如果你睇完標題,覺得會喺瞓喺度都會大力咗,
你可以㩒上一頁啦!

咁點樣會大力啲?

由而家起,
你要記住呢一個字

等長收縮訓練(Isometric Training)

乜東東叫等長收縮訓練?

肌肉收縮可以分三類:

向心收縮(Concentric Contraction):二頭肌彎舉向上嘅階段

離心收縮(Eccentric Contraction):二頭肌彎舉向下嘅階段

咁等長收縮呢(Isometric Contraction)?
就係肌肉嘅長度不變但係一路用緊力

contractions.jpg
比多個等長收縮例子你

例子一:做緊無影凳嘅時候你下肢肌肉長度不變(靜止動作)但係下肢一路用緊力

例子二:向前伸直隻手拎實一啲重嘢,你嘅手臂/肩頭一路用緊力

咁幾時要做等長收縮?

我哋建議呢有兩個時間好適合用呢個訓練

  1. 啱啱開始學動作嘅時期

    係啱啱學動作嘅時候
    好容易你有肌肉嘅唔適應
    或者有肌肉未能夠共同發力
    好似臀舉(Hip Thrust)喺一個訓練股大肌嘅動作
    glute_bridge_exercise_kinobody-1.png
    不過唔識做好容易會運用到下背同埋後大腿嘅肌肉協助完成
    所以呢會建議做呢個動作嘅時候
    喺最高點加入等長收縮訓練

  2. 力量嘅平台期

    進行等長收縮訓練會增加肌肉單元嘅徵召
    從而令到有更多肌肉參與進行動作
    令到有更多肌肉同時間發力

點樣加入緊場訓練下我哋嘅訓練表上面呢?

我哋可以嘗試喺而家嘅訓練表中加入訓練
好似做臥推舉嘅期間
可以喺

  • 最低位
  • 手肘90度
  • 最高位

三個地方你都停頓5至10
咁樣會更加效刺激進行臥推舉嘅肌肉
令到可以推到更大嘅力量

呢個訓練呢
亦都對於一啲啱啱學習新動作嘅朋友好有幫助
簡單好似胸前傳球
如果你首先做等長收縮訓練(對牆推實個藥球)
之後都會發覺做同一個動作嘅胸前傳球會更容易發力

最後
我哋都見過好多朋友喺底range冇力
我哋建議呢
可以喺底range進行呢個等長收縮的訓練
咁呢就會改善到好多動作上嘅問題㗎啦

所以呢
坐定定做無影凳
都可以加強力量嫁!

廣告