其實做人最怕就喺悶
當冇動力冇目標就會容易覺得無聊
訓練亦都一樣，十年千篇一律嘅話
會令到個人嘅身心都會冇哂動力
所以我哋喺訓練中亦要畀自己變嘅機會
所以先一個動作有咁多個變化式
有時你會話，有啲動作好似
做咩要分開呢？
原來少少嘅唔同，
畀到身體嘅有唔同嘅刺激之外
亦心理上令你冇咁一樣，
從而提升訓練嘅動力
所以唔好一套動作做到老啦
今次寫到高階
所以會寫多少少畀大家參考下
其實只不過要有好嘅基礎就可以試下
不過唔明唔知啱唔啱記住問咗教練先
角度上嘅分別
膝頭角度：
- 約45度：四分一深蹲(Quarter Squat)
- 約90度：半蹲(Half Squat)
- 約120度：水平蹲(Parallel Squat)
- 約150度：全蹲 (Full Squat)
上面喺中階講過負重深蹲嘅唔同變化式
喺深蹲其間高低分別
我哋通常會膝頭嘅角度嚟作分辨
膝蓋角度同四頭肌/膕繩肌參與有好大嘅關係
蹲得愈低，後面嘅肌肉參與度就會愈高
所以可以加入唔同深度嘅深蹲入你嘅program入面啦
單腳嘅深蹲變化
單腳嘅深蹲動作上次講咗單腳體重深蹲(bodyweight single leg squat/pistol Squat)
今次亦都有兩個唔同嘅變化
- 分腿蹲(Split Squat)
- 保加利亞式單分腿蹲(Bulgarian Split Squat)
分腿蹲故名思義，前腳同後腳唔喺並排
- 身體同地面呈垂直
- 喺蹲低嘅時候
- 前後腳膝都呈90度
- 後腳膝喺身體下方
而保加利亞式單分腿蹲就將後腳放喺bench上，
只用前腳發力，都喺一個對穩定度有好大挑戰嘅動作。
爆發力變化式
上面講嘅喺訓練動作多以重量/力量為重點
講下訓練爆發力嘅深蹲動作畀大家試下
呢個動作唔喺只追求重量/最大肌力
而喺速度為第一目標
- 體重深蹲跳高(Bodyweight Squat Jump)
- 槓鈴深蹲跳高(Barbell Squat Jump)
上面兩種彈跳嘅深蹲，講求嘅喺爆發力而唔喺最大力量
所以我哋可以先從輕嘅重量開始
慢慢加重嘅時候亦唔畀自己速度減慢
不過，一定要候好深蹲先挑戰呢個動作
咪好容易因為動作唔啱整到受傷
呢三個星期畀咗十幾個動作你哋
都喺一個參考
仲有好多好多唔同目標嘅變化式嫁
想問多啲？pm我哋啦！
廣告
發表迴響