[如果一早知…系列] 去健身室為乜？

   一到夏天，成個健身室出現咗好多新面孔，見到啲人喺度揈(音：fing)下揈下，有機就坐落去推兩下，㩒下電話post下IG就走，我就會成個黑人問號嘅樣，其實你喺去健身室為乜㗎呢？

畀你諗五秒再答我啦
五……
四……
三……
二……
一……

大隻？
減拜拜肉？有線條？健康啲？
減肥？甩走肚腩？馬甲線？
去沙灘可以show下肌？打波好啲？跳高啲？定拉郁架飛機？

理由真喺有好多好多，每個人嚟都會有佢嘅目標，但喺點樣先可以達到你嘅目標先？
喺咪揈下戰繩就可以好似彭于晏咁大隻？
喺咪推下拉下就可以好似張繼聰咁鬼型？
喺平衡板上跳上跳落就有胡定欣咁好身材？

喺咁簡單條街就個個都Chris Evans同Gal Gabot啦

咁可以點？
要最快做到理想嘅目標，緊喺要有一個完整嘅計劃，
(謎之聲：網上有咁多program可以拎嚟用，或者跟住邊個邊個咁練咪得囉！)
如果你喺咁諗，你可以㩒上一頁走嫁啦~

其實有兩個方法，
1. 問我哋
2. 了解自己多啲、學多啲再幫自己set返一個

唔想假手於人，咁有咩要注意呢？
其實初學/有健身經驗嘅自己set都唔難嫁，只要你肯用下腦(冇嘅就算啦)，用些少時間就搞得掂，一齊睇下有咩要留意先。

1. 健身程度
最簡單可以分為三個組別：

組別	健身經驗	健身次數 (@星期)	健身強度	健身動作
初學者	我覺得自己喺零	1-2	低(輕鬆)	以器械為主
有健身經驗	~6個月	3-4	中(流下汗咁囉)	做下機又做下free weight
老手	~年半	4+	高(紅都面哂)	主要以free weight為主; 多power動作

你要fulfill到所有要求先屬於個個組別嫁，親~

今日知道咗咩叫健身程度，咁set program仲有咩要注意呢？
下星期再講！

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
想搵我哋訓練？又或者想了解更多我哋嘅資訊？
去 Sportential 運動潛能資訊 再睇多啲！
直接Inbox我哋仲方便～
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️